ఆకుల నరసమ్మ

ఒకే అర్థం వచ్చే రెండు పదాల సమ్మేళనం ఆ ఊరి పేరు. 'నాగలిమడక'

ఆ ఊరిలో వెలసిన కొండ ఆ ఊరికే తలమానికం. అది చాలా ఎత్తుగా ఆకాశాన్ని తాకుతున్నట్లుంటుంది.

ప్రజలు దాన్ని ఊరుకొండ అని ముద్దుగా, ఆప్యాయంగా పిలుస్తారు. ఒకే రాతితో ఏర్పడినట్లు తోచే కొండ పైభాగాన అసంఖ్యాకమైన చెట్లు, పొదలు

పెరిగివున్నాయి. ఆ ఘనగిరి గర్భంలోపల ఎన్నో గుహలున్నాయి. వాటిలో అడవి జంతువులు, రకరకాల పక్షులు, వివిధ విషసర్ప జాతులు, క్రిమికీటకాదులు ఆవాసం చేస్తుంటాయి. చిన్నపాటి అరణ్యాన్ని తలపిస్తుంటుంది కొండ ఉపరితలం.

ఒక కోణంలో నుండి - దూరంగా నిలబడి చూస్తే వేట పూర్తి చేసి, కడుపునిండా తిని, విశ్రాంతిగా, గంభీరంగా తల పైకెత్తి కూర్చున్న మృగరాజు భంగిమను తలపిస్తుందా కొండ. ఆ కొండపాదభాగం - దక్షిణ, పడమర దిశలకు విస్తరించి ఉంది. దానిపై గుబురుగా పెరిగిన విస్తారమైన పచ్చని చెట్లు, చూపరులకు కనువిందు చేస్తున్నాయి. కొండ కిందుగా నేలమీద, దరిదాపున ఒక నీటి కుంట ఏర్పడివుంది. ఆ కుంట నిరంతరం జలముతో కళకళలాడేది ఒకప్పుడు. కానీ ఇప్పుడది వట్టిపోయిన పాడియావులాగా తయారైంది. వర్షాకాలంలో చేరిన నీరు క్రమంగా ఇంకిపోయి, కుంట మధ్యలో చిన్నగా మడుగు కట్టి- అరుణవర 'సమిళితమై - దాని ఉనికిని తెలియజేస్తుంటుంది. ఆ కుంట సమీపంలో - ఏపుగా పెరిగిఉందొక వేపచెట్టు,

సుమారు వందేళ్ళకు పైబడి ఉంటుంది ఆ చెట్టువయసు.

ఒక శతాబ్దికి మించిన కాలానికి ఎదురొడ్డి నిలిచిన యోధుని బౌద్ధత్యానికి ప్రతీకగా నిలిచి ఉందది. ఆకాశాన్ని తాకుతున్నట్టుగా ఉంటాయి. దాని శాఖోప............