తెలుగు పత్రిక ప్రపంచంలో "ఆంధ్రపత్రిక" స్థానం అసమానమైంది. తెలుగుజాతి చైతన్యం కోసం, భారతీయ ఆత్మతో నడచిన గొప్ప పత్రిక. ఈ పత్రికను స్థాపించిన కాశీనాథుని నాగేశ్వరరావుపంతులుగారు స్వాతంత్ర్య సమారయోధుడిగా జగద్విఖ్యాతుడు. జీవిత సర్వస్వాన్ని, సర్వ  సంపదలను తెలుగువారి అభ్యుదయానికే అంకితం చేసిన మహాత్ముడు. 1980  లో   ఆంధ్రపత్రిక వారపత్రిక, 1914  లో దినపత్రిక, 1924  లో   "భారతి సాహిత్య పత్రికలు పురుడుపోసుకున్నాయి. "ఆంధ్రపత్రిక " దినపత్రిక 1914  నుంచి 1990  తొలినాళ్ల వరకూ, ఎనిమిది దశాబ్దాల పాటు అప్రతిహతంగా సాగింది. 1990  దశకం ప్రారంభం నుంచి దాదపు మూడు దశాబ్దాల పాటు మౌనముద్రలోకి వెళ్ళింది.