ప్రేమ

ప్రేమ మ! ఈ మాటను విననివారుండరు. ప్రతి మనిషీ ఏదో ఒక విధంగా కళ్లతో చూసి, చెవులతో విని, తప్పనిసరిగా అనుభవవించే మానసిక స్థితి ప్రేమ. ప్రపంచలో ఉన్న అందానికంతా కారణం ప్రేమే అన్నది చాలామంది అభిప్రాయం. ప్రేమే మనిషి పుట్టుకకు కారణం. అందుకే నాకు ప్రేమ గురించి తెలియదు అని ఎవరైనా అంటే నమ్మలేం.

అయినా ప్రేమంటే ఏమిటి? అది ఎలా పుడుతుంది? ఎలా మనల్ని ముంచెత్తుతుంది? అనే ప్రశ్నలకు కచ్చితమైన సమాధానం చెప్పేవాళ్లు చాలా తక్కువమందే ఉంటారు. ప్రేమ ఒక మానసిక భావోద్వేగం అనుకుంటే దానిని గురించి సైకాలజిస్టులకు తెలిసే అవకాశం ఉంటుందనుకోవచ్చు. అయితే నిజానికి ప్రేమ గురించి వాళ్లకి కూడా పెద్దగా తెలియదు. మోడరన్ సైకాలజీకి సంబందించిన ఏ బుక్ చూసినా ప్రేమ గురించి మనకు తెలిసేది చాలా చాలా తక్కువ. మనుషుల్లో లైంగిక, మారిటల్ లైఫ్ గురించి చెప్పే సందర్భాలలో తప్ప అసలు ప్రేమ అన్న పదం కనిపించదు. ఇది నిజంగా చింతించాల్సిన విషయం. సైకాలజిస్టుల్లోని ఈ లోపం అంత తేలికగా తీసిపడేయగలమా అన్నది ఆలోచించాల్సిన విషయమే................................