సుందరకాండ 

శ్లో|| సున్దరే సున్దరో రామః సున్దరే సుందరీ కథా

      సున్దరే సున్దరీసీతా ! సున్దరే సువర్ధం వనం |
      సున్దరే సున్దరం కావ్యం సుందరే సుందరః కపిః |
      సున్దరే సున్దరం మంత్రం సున్దరే కిం న సున్దరం ||

సుందరకాండమున శ్రీరాముడు సుందరుడు. అందలి కథయు మిక్కిలి సుందరమైనది. సుందరకాండమున సీతయు సుందరి. సుందరకాండము నందలి వనము సుందరమైనది. సుందరకాండము నందలి కావ్యరచనయు సుందరముగా నుండును. సుందరకాండమున హనుమంతుడు సుందరుడు. సుందరకాండమున నందలి మంత్రము సుందరమైనది. వేయేల? సుందరకాండమున సుందరము | కానిదెయ్యది గలదు. అంతయు సుందరమే.

వాల్మీకి మహర్షి అన్ని కాండములకు వానిలో గల యితివృత్తమునకు తగినట్టుగా పేరు పెట్టి యీ కాండమునకు సుందరకాండయని పేరు పెట్టినాడు. దానికి గల కారణమును పై శ్లోకము ఋజువు పరచుచున్నది.

శ్లో|| రామ ఏవపరం బ్రహ్మ రామ ఏవపరం తపః |

      రామ ఏవపరం తత్త్వం శ్రీరామోబ్రహ్మతారకం ||

శ్లో|| సప్తకోటి మహామంత్రా: చిత్తవిభ్రమ కారకాః |

      ఏక ఏవపరోమంత్రః రామయిత్యక్షర ద్వయం| 

అటువంటి రామనామమును తన అణువణువు నాలీనము జేసికొని, తన మనోవాక్కాయ కర్మలను రామనామాంకితము జేసి, రామ నామామృత పానములో | ఓలలాడిన హనుమంతుడే సుందరకాండలో ప్రధాన దైవము. హనుమంతు నుపాసన ఎసిన యెడల సమస్త దేవతలను సేవించిన ఫలము గలుగునని స్మృతులు పేర్కొను చున్నవి. కారణము సమస్త దేవతలలో గల శక్తి ఆయనలో అంతర్లీనమై యుండుటయే.......