ఢిల్లీ సరిహద్దుల్లో కర్షకులు సరికొత్త చరిత్రను లిఖిస్తున్నారు. 1990 తరువాత నయా - ఉదారవాద విధానాలను ఈ స్థాయి ప్రతిఘటన ఇన్ని రోజులపాటు రావడం దేశంలో ఇదే తొలిసారి.వినాశకరమైన మూడు వ్యవసాయ చట్టాలను వెనక్కు తీసుకోవాలనే ప్రధాన డిమాండ్ సాధించాలనే కృతనిశ్చయంతో అన్నదాతలు ఉన్నారు. ఈ చట్టాల పై వ్యతిరేకతకు స్పష్టమైన, సహేతుకమైన కారణాలున్నాయి. వణికించే చలిని దైర్యంగా ఎదుర్కొంటూ , ప్రభుత్వం నుంచి ఎదురవుతున్న వ్యతిరేకతపై ఎదురు దాడిచేస్తూ, శత్రువులా వ్యవహరిస్తున్న ప్రధాన మీడియాను లెక్క చేయకుండా... లక్షలాది మంది రైతులు ఢిల్లీ సరిహద్దుల్లో చావో బతుకో తేల్చుకునే యుద్దానికి సన్నద్ధమయ్యారు. రైతు వ్యతిరేక చట్టాలను రద్దు చేయాల్సిందేనని ముక్త కంఠంతో నినదిస్తున్నారు. ఈ పోరాటానికి కారణాలేమిటి? దీన్ని వ్యతిరేకిస్తున్న శక్తుల స్వార్ధమేమిటి?