గ్రాంసీ జీవన రేఖలు

• గ్రాంసీ దక్షిణ ఇటలీలోని సార్టీనియాలోని ఆలెస్లో 1891 జనవరి 22న జన్మించారు. ఏడుగురి సంతానంలో నాల్గవవాడు.
• చిన్నతనం నుంచి అనారోగ్య పీడితుడు. వెన్నుపూసకు సంబంధించిన జబ్బు జీవితాంతం వెంటాడింది. పెరుగుదల ఐదడుగులలోపే దగ్గరే ఆగిపోయింది. గూని వచ్చింది.
• 1897లో తండ్రి జైలు పాలు కావడంతో గ్రాంసీ చదువుకు అంతరాయం వచ్చింది. రెండేళ్లపాటు సంపాదన కోసం పనిచేశాడు. తండ్రి తిరిగి వచ్చిన తర్వాత హైస్కూల్ విద్య పూర్తిచేశాడు.
• 1911లో పేద పిల్లల స్కాలర్షిప్ పొంది తురిన్ లోని యూనివర్సిటీలో చేరాడు. అనారోగ్యం, తిండి వసతికి తగిన డబ్బు లేకపోవడంతో చదువుకు అనేక అవరోధాలు వచ్చాయి.
• 1915లో యూనివర్సిటీ విద్యకు స్వస్తి చెప్పి జర్నలిస్టుగా పనిచేశాడు. చదువులో గ్రాంసీకి మక్కువే కాదు, ఆసక్తి కూడా. తర్వాత అనేక రంగాలకు ఆయన అధ్యయనం విస్తరించింది.
• యూనివర్సిటీలో వివిధ కోర్సులు తీసుకుని పరీక్షలు రాసి ఉత్తీర్ణుడయ్యాడు. భాషా శాస్త్రం, ఇటాలియన్ లిటరేచర్, రోమన్ లా, జాగ్రఫీ, గ్రీక్, లాటిన్ గ్రామర్, మోరల్ ఫిలాసఫీ, మోడరన్ హిస్టరీ, గ్రీక్ లిటరేచర్ కోర్సులు చేశాడు. 1915లో ఫిలాసఫీ కోర్సు పూర్తి చేశాడు..............