కుందేళ్ళ పెంపకం - ప్రాముఖ్యత

కుందేళ్ళు, మొదటిసారిగా యూరోపియన్ వైల్డ్ కుందేళ్ళ నుండి ఉత్పన్నమైనాయి. ఆఫ్రికా దేశంలో మొదటిసారిగా పెంచబడ్డాయి. ఆసియాలో 3 వేల సంవత్సరాల క్రితం కుందేళ్ళను మాంసం కొరకు వినియోగించారు. ప్రపంచంలోని కుందేళ్ళ ఉత్పత్తిలో 85%, రష్యా, ఫ్రాన్స్, ఇటలీ, స్పెయిన్ దేశాల్లో ఉంది. ఆ తర్వాత స్థానం చైనాకు దక్కుతుంది. కుందేళ్ళను అరబ్ దేశాల్లో మాత్రం పెంచడం అంటూ ఉండదు. మనదేశం, మొదటిసారిగా "న్యూజిలాండ్ వైట్" కుందేళ్ళను, యునైటెడ్ కింగ్డం నుండి దిగుమతి చేసికుంది. ఆ తర్వాత ఉన్నిని ఉత్పత్తిచేసే రకమైన అంగోరాజాతి, మాంసోత్పత్తి చేసే వైట్ జైంట్, జైంట్, సోవియట్ చించిల్లా రకాలను మనదేశం, రష్యా నుండి దిగుమతి చేసికుంది.

ఎ) కుందేళ్ళ ప్రత్యేకతలు :

• రాళ్ళక్రింద రంధ్రాలు చేసికుని నివసిస్తాయి. కొన్నిసార్లు పగటివేళల్లో కనబడతాయి.
• కుందేళ్ళు గుంపుల్లో జీవిస్తాయి.
• జీవితకాలం 10-12 సం॥లు ఉంటుంది.
• పెద్ద కుందేళ్ళు 40 సెం.మీ. వరకు ఎత్తు ఎదగగలవు. కొన్ని కుందేళ్ళు పసి పిల్లలంత సైజులో కూడా ఉంటాయి.
• కుందేళ్ళ వెనుకకాళ్ళు, పాదాలు, పరుగెత్తడానికి, దూకడానికి వీలుగా పెద్దగా ఉంటాయి....................