అధ్యాయం 34
 

ఆర్థిక (economic) ఎక్కౌంటింగు, లాభదాయకత, ఖర్చులు, ధర
 

ఆర్థిక ఎక్కౌంటింగ్, పరిశ్రమల లాభదాయకత

పెట్టుబడిదారీ విధానంలోని వైరుధ్యాలు, పదార్థాలూ (materials), శ్రమా అపరిమితంగా వృధా అవడానికి దారి తీస్తాయి. జాతీయ ఆర్థిక వ్యవస్థను ప్రణాళికాబద్ధంగా నిర్వహించే సోషలిస్టు వ్యవస్థ, ఇంతకు ముందటి ఉత్పత్తి విధానాలన్నింటిలో కంటే ఉత్పత్తి సాధనాలలోనూ శ్రమలోనూ ఎక్కువ పొదుపును సాధ్యం చేస్తుంది. అటువంటి పొదుపును ఒక అవసరం చేస్తుంది.

సమాజంలో పొదుపు చేసే వివిధ రూపాలన్నింటిని అంతిమంగా శ్రమ కాలంలోనూ, సజీవ, గత శ్రమలలోనూ పొదుపుకు కుదించవచ్చు - అంటే, అవి సామాజిక శ్రమ ఉత్పాదకతలో పెరుగుదలను సూచిస్తాయి. 'గోధుమ, పశువులు మొదలైన వాటి ఉత్పత్తికి సమాజం ఎంత తక్కువ కాలం తీసుకుంటే, ఇతర ఉత్పత్తికి - పాదార్థిక లేదా మానసిక (spiritual) ఉత్పత్తికి - అంత కాలం మిగులుతుంది. ప్రతీ ఒక్క వ్యక్తి విషయంలోనూ, సమాజం విషయంలోనూ రెండింటిలోనూ - కాలంలో పొదుపు మీద సమగ్ర అభివృద్ధి, వినియోగము, కార్యకలాపాలూ ఆధారపడతాయి (Marx-Engels Archives, Russian Edition, Vol. IV, P. 119).

-

శ్రమ కాలంలో పొదుపు సోషలిస్టు సమాజానికి వస్తుగతంగా ఒక అవసరం అవుతుంది. ఉత్పత్తి నిరంతరాయంగా పెరగడానికి ప్రధాన అంశాలలో ఇది ఒకటి. అందువలన సోషలిస్టు ఆర్థిక వ్యవస్థ ఒక క్రమ పద్ధతిలో పొదుపు పాటించడం చాలా ముఖ్యం. సోషలిస్టు ఆర్థిక వ్యవస్థ నిర్వహణలో పొదుపు పాటింపు ఒక సూత్రం. మొత్తం...............