స్వర్ణముఖి గళంలో జీవనధార

రాసాని అంటే ఒక 'ఆదియోధుడు'

రాసాని అంటే ఒక 'వొలికెల బీడు', ఒక 'ముద్ర'.

రాసాని  అంటే ఒక, 'బతుకాట', ఒక 'వలస', 'పరస'

రాసాని అంటే ఒక 'నరమేధం', ఒక 'నేలతీపి', ఒక 'తరిగొండ వెంగమాంబ', ఒక 'చెంచిత'.

రాసాని అంటే ఒక 'మెరవణి', ఒక 'ముల్లు గర్ర', ఒక 'నాలుగో నాటకం'.

రాసాని అంటే ఒక 'రక్త చందనం'....

ఇలా చెప్పుకుంటూ పోతే ఆయన చాలా చాలా... ఇలా ఎన్నో....

ఇవ్వాళ మనం కొత్తగా ద్రవిడ సంస్కృతి, ద్రావిడభాషా, సాహిత్యాల గురించి ద్రవిడ సమాజాల గురించి మాట్లాడుకుంటూ, చర్చలు పెట్టుకుంటున్నాం కానీ... ఎంతో కాలం నుండీ ద్రవిడ సమాజపు లోతులకు వెళ్లి... పరిశోధనలు చేసి, తెలుగు సాహిత్యానికి మంచి మంచి నవలలనీ, నాటకాలనీ, కథలనీ చేర్పు చేసిన రాసాని ఎంతైనా అభినందనీయుడు.

నిజానికి చెప్పాలంటే... నిర్ద్వందంగా రాసాని ఎటువంటి పరిచయము, ముందుమాటలు అవసరంలేని రచయిత... బహుశా నేను స్వర్ణముఖి తీరంలో స్థిరపడి ఉండడంతో... అయన స్నేహంగా నాకీ పనిని అప్పజెప్పి ఉండవచ్చు... ఇది నాకు కలిగిన మంచి అవకాశంగా నేను భావిస్తున్నాను...

***

తెలుగు కథ పుట్టడమే యవ్వనంలో పుట్టిందని మనందరికీ తెలిసిందే..... పుట్టినప్పటి నుండీ ఇవ్వాల్టి దాకా కూడా సమాజ జీవితంలోని, వెలుగు చీకట్లకు అద్దం పడుతూ... అనేక సామాజిక సందర్భాలకు స్పందిస్తూ, తన అభివ్యక్తితో సామాన్య జన జీవితంలోని మార్పుకు దోహదం చేస్తూ, పాఠకులను చైతన్యవంతం చేస్తూ వస్తోంది.................................