రెండు రెళ్ళు ఆరు

Love him and let him love you. Do you think anything else under the Heaven really matters? -James Baldwin.

ప్రేమ.

ఆ రెండక్షరాల వెనక ఎంతో చరిత్ర ఉంది.

ప్రేమించటం, ప్రేమించబడటం, ముఖ్యంగా ఆ రెండూ ఒకేసారి ఒకరికొకరితో జరగటం జీవితంలో తారసపడే గొప్ప అదృష్టాల్లో ఒకటి.

ప్రేమలో పడినవారికి వయసు, కులం, మతం, ఆర్థికస్థితి, చదువు, సంపాదన, కుటుంబ పరిస్థితి... ఇలాంటివన్నీ ఎంతో చిన్న విషయాలుగా కనబడతాయి. ఆ ప్రేమ తీవ్రం అవుతున్న కొద్దీ వారికి తాము ప్రేమించే వ్యక్తిని ఎలాగైనా వివాహం చేసుకోవాలనే సంకల్పం అధికం అవుతూంటుంది. ప్రేమకి క్లైమాక్స్ పెళ్ళే కదా మరి.

ప్రేమ అనే రెండు అక్షరాల భావన ఎంత తీవ్రమైందో, అది మనసుని మత్తులా - సంపూర్ణంగా ఆక్రమించుకుని, ఆ మనిషిని ఎంతగా శాసిస్తుందో చూస్తే ఆశ్చర్యం వేస్తుంది. ఒక్కోసారి భయం కూడా.

వివాహానికి ముందే ప్రేమ పుట్టాలన్న రూల్ లేదు. ఒకోసారి అది వివాహం అయ్యాక ఉద్భవిస్తుంది. పెళ్ళై భార్య ఉండి లేదా భర్త ఉండి పరాయి వ్యక్తిని ప్రేమించడం ఈ లోకంలో అరుదేం కాదు. కారణం తను ప్రేమించదగ్గ ఆ వ్యక్తి వివాహానికి ముందరే తారసపడకపోవడమే..............................