పడబాట్లు

స్యానాతూర్లు మీతో సెప్పిండాను కదప్పో నేను పుట్టిండేది అనంతపురము పాతూరు సెరువు కట్ట కాడున్న కాయగూరల గేరిలోనని

మా సెరువుని ఇప్పుటికి ఆరొందలేండ్ల కిందట పండమేరు వొంక ఆదరువుగా చిక్కన్న ఒడయరు అనే పెద్దాయప్ప కట్టించిండాడు. అప్పట్లో సెరువు కట్టే పన్ల కొచ్చిన జనాలు కొంతమంది ఈశాన్నెం మరువ కాడ, ఇంకొంతమంది వాయువ్యంలో వుండే మరవకాడ కాపురాలు సేసుకుంటా నిలబడిపొయించారు. ఆ తావులకి అంపీ ఇజయనగరు బువు బుక్కరాయలు, ఆయప్ప పెండ్లాం అనంతమ్మల మింద గోరవంతో దానికి బుక్కరాయసముద్రం, ఇంగోదానికి అనంతసాగరం అని పేర్లు పెట్టిండాడు. అదే ఇప్పుడు అనంతపురం అయ్యిండాదప్పో.

నా సిన్నప్పుడు మా గేరిలోనే కాదు, సుట్టుపాతల సెరువు కట్ట కిందున్న దచ్చినానికి మాలా మాదిగి గేరి నుండి, ఉత్తరానికి అంబారు గేరిదంకా వుండే పెద్ద పెద్ద మొగోల్లనింకా, ఏరిగితే కడుక్కునేకొచ్చే పిల్లకాయిలంతా పద్ధపద్దన్నే లేస్తాన్నట్టే, సెంబులో నీళ్ళెత్తుకొని కాళ్ళు మడిసే దానికి మా సెరువులోకి పారి........................